美國模界最近出現一個得16歲超級新星，呢位新晉男神叫Lucky Blue Smith(係真名嚟)，未發育完成已經有189cm(約6呎2)高。係就係未開始爆肌，但勝在生得超靚仔，一頭凌亂金髮加上憂鬱眼神，似足初出道時嘅里奧納度迪卡比奧！\n\n咪以為90後就冇料到，Lucky仔喺剛過去嘅米蘭時裝週，總共幫7個品牌行天橋，當中包括Roberto Cavalli同Salvatore Ferragamo等大牌，ig更有超過40萬粉絲！而Lucky仔雖然係美國人，但佢嘅人氣已入侵到強國，更被內地媒體封為「史上最帥男模」。最葡萄係連Lucky兩個家姐都勁索，一家人有三個都係model，如果呢三姊弟一齊行出街，都唔知望得邊個好！