ប្រជាពលរដ្ឋមកពីសហគមន៍រងគ្រោះដីធ្លីនានាក្នុងប្រទេសកម្ពុជាបានសំដែងមតិក្នុងពិធីប្រាព្ធទិវាសិទ្ធិលំនៅដ្ឋានពិភពលោកដោយបានរៀបរាប់អំពីទុក្ខលំបាកនិងភាពអយុត្តិធម៌នានានិងបានស្នើរសំុដល់អាជ្ញាធររដ្ឋាភិបាលឲជួយដោះស្រាយដីធ្លីរកយុត្តិធម៌សិទ្ធិលំនៅដ្ឋានដល់ជនក្រីក្ររងគ្រោះព្រោះការអភិវឌ្ឈន៍ការបណ្តេញចេញញ្ឈប់អំពើហឹង្សានិងការរំលោភសិទ្ធិមនុស្សនៅកម្ពុជា ។\n****************************************************ប្រជាពលរដ្ឋជាច្រើនពាន់នាក់ព្រះសង្ឃជាច្រើនអង្គបានចូលរួមជាមួយប្រជាពលរដ្ឋដើម្បីតស៊ូមតិយុត្តិធម៌សិទ្ធិលំនៅដ្ឋានដីធ្លីដោយសន្តិភាពអហឹង្សាស្របតាមច្បាប់សាសនាច្បាប់ជាតិនិងច្បាប់អន្តរជាតិ ។\nប្រជាពលរដ្ឋរាប់រយពាន់នាក់ដែលក្រីក្ររងគ្រោះព្រោះការបណ្តេញចេញដោយបង្ខំពីលំនៅដ្ឋានក្នុងទីក្រុងភ្នំពេញនិងមកពីបណ្តាខេត្តមួយចំនួនបានមកជួបជុំគ្នានៅក្បែរអតីតសហគមន៍ដីក្រហមដើម្បីប្រាព្ធទិវាសិទ្ធិលំនៅដ្ឋានពិភពលោកខួបលើកទី២៩ថ្ងៃ៦តុលា២០១៤ ។ ប្រជាពលរដ្ឋទាំងនោះមានពាក់អាវព័ណ៌សមានសរសេរថាសំលេងអ្នកក្រក្នុងទីក្រុងនិងមានពាក់មួកត្នោតខ្មែរមានបដាផ្ទាំងគំនូរពាក្យស្លោកផ្សេងៗជាដើម ។ ប្រជាពលរដ្ឋទាំងនោះបានសំដែងមតិនិងធ្វើសេចក្តីថ្លែងការរួមអំពីទុក្ខលំបាករបស់ខ្លួនដែលរងគ្រោះព្រោះការបណ្តេញចេញដោយបង្ខំកន្លងមកព្រោះតែការអភិវឌ្ឈន៍របស់រដ្ឋាភិបាលនិងក្រុមហ៊ុននិងបានសំណូមពរឲរដ្ឋាភិបាលបញ្ឈប់ការបណ្តេញចេញដោយបង្ខំពីលំនៅដ្ឋានការគោរពសិទ្ធិមនុស្ស សិទ្ធិលំនៅដ្ឋានដីធ្លី ឲបានត្រឹមត្រឹមតាមផ្លូវច្បាប់ជាតិនិងច្បាប់អន្តរជាតិឲបានពិតប្រាកដ និងត្រូវដោះស្រាយបញ្ហាជម្លោះដីធ្លីទាំងឡាយដែលមិនទាន់បានដោះស្រាយចប់ត្រូវដោះស្រាយឲមានយុត្តិធម៌ជាបន្ទាន់ ជាដើម ៕ បន្ទាប់ពីការជួបជុំគ្នានៅក្បែរអតីតសហគមន៍ដីក្រហមរួចហើយ ប្រជាពលរដ្ឋសហគមន៍ដីធ្លីទាំងនោះបានដង្ហែរក្បួនយកញត្តិទៅដាក់ជូនរដ្ឋសភាជាតិ ។