أحس إني من أشوفك .. من أشوفك .. قليلة حيل
وكل اشواق هالدنيا .. إذا شفتك .. تشربني
وأحس بصدق نبضاتك .. قريبه من خفوقي حيل
واليا منها اختفت نبضه من النبضات ترعبني
تبعثرني .. ولا ابالغ .. أنا أتبعثر من التسبيل
بمعنى أصح .. أبعلنها .. أبدويها .. "تذوبني" !!

.·:*'*:·. .·:*'*:·.

ودي بشوفك واموت وأحيا من أجله
حب عفيف قهر من ربعي عذولي
مرت سنين تركت بي جرح من ثقله
لو شلته هالجبال تهده حمولي
كن اللقا بعد غيبة جنة اجلي
وكل العمر دون شوفك يعله يزولي

.·:*'*:·. .·:*'*:·.

إن نويت تحب ... حب ...
هي أحاسيسك ... من يردك وكيفك
اختر ... أحبابك وطب ...
لكن اعرف ان آخرتك مفارق
انك بكل هم غارق ...
وبأحسن أحوالك بتبقى ...
تحت ضربات المطارق

.·:*'*:·. .·:*'*:·.

الله يسامح عيونك مالها غالي
نامت قبل صوتك البارح يسهرني
أي والله أني حزين وضايق بالي
دامك على نية التوديع تجبرني
فداك كل العمر ودروب الترحالي
ليتك مثل ما أذكرط بالحيل تذكرني

.·:*'*:·. .·:*'*:·.

فمان الله يا درب على الهجر يتحراني
خذاه الوقت من جنبي ولا جاني ولاجيته
بغيت اقوى على بعدك وراح الصبر ما امداني
أهز الشوق وإن طاح الوله بالحضن ضميته
فضت كل الشوارع ما لقيت اللي يترياني
مثل طفل طلع يلعب ورد وما لقى بيته